Արագածոտնի մարզում հոկտեմբերի 11-ին անկարգելով (պարաշյուտ) անհաջող վայրէջք կատարած, ՌԴ 27-ամյա քաղաքացի Մաքսիմ Բառոնովը միացված է արհեստական շնչառության ապարատին: Այս մասին NEWS.am-ի թղթակցին ասաց Երեւանի «Էրեբունի» բժշկական կենտրոնի Վերակենդանացման բաժանմունքի վարիչ Արմեն Մուրադյանը:
«Վիճակը ծանր է, կոմայի մեջ, արդեն արհեստական շնչառության ապարատին ենք միացրել»,- ասաց Արմեն Մուրադյանը:
Նշենք, որ ՌԴ քաղաքացին ընկնելու հետեւանքով ստացել է գանգուղեղային վնասվածք, կրծքավանդակի սալջարդ, կոնքի ոսկորների կոտրվածք:
Ավելի վաղ ՏԿԱԻՆ մամուլի ծառայությունից NEWS.am-ին հայտնել էին, որ 2015թ. հոկտեմբերի 11-ին, ժամը 14.28-ին, ՌԴ քաղաքացի 27-ամյա Մաքսիմ Բառոնովը անկարգելով (պարաշյուտ) անհաջող վայրէջք է կատարել Ապարան քաղաքի մոտակա լեռան լանջին. գտնվում է անգիտակից վիճակում: