Ըստ Rabobank Agri Commodities-ի վերլուծաբանների վերջին վերլուծությունների՝ գլոբալ ֆունդամենտալ գործոնները կշարունակեն ճնշող ազդեցություն ունենալ  համաշխարհային շուկայում հացահատիկի գնի վրա 2010-11 թվականներին:

Փորձագետների հաշվարկով, ըստ АПК-Информ-ի, ցորենի գինն իր առավելագույնին կհասնի 2010 թ. չորրորդ եռամսյակում եւ կկազմի 257,2 դոլար 1 տոննայի համար, որից հետո սպասվում է նվազում մինչեւ 238,8 դոլար 2011 թ. երկրորդ եռամսյակում։

Որպես գնաճի հիմնական ազդանշան հանդես է գալիս աշխարհում հացահատիկի արտադրության կանխատեսումների նվազումը եւս 5 մլն տոննայով՝ մինչեւ 639 մլն տոննա 2010-11 թ.թ. համար։ Դա զգալիորեն քիչ է նախկինում հնչող գնահատականներից։ Բացի այդ՝ շուկայի օպերատորները անհանգստացած են, որ  Պակիստանը, ջրհեղեղների հետ կապված, որոշել է չեղյալ հայտարարել 2 մլն տոննա ցորենի արտահանումը:

Հիշեցնենք, որ Rabobank-ի ներկայացուցիչների հուլիսյան կանխատեսումներով՝ ցորենի գները 2010-11 թ.թ. պետք է տատանվեին 184-220 դոլարի սահմաններում 1 տոննայի համար։