ՄԱԿ-ի գլխավոր քարտուղար Բան Կի Մունը լրջորեն անհանգստացած է ռուսական ինքնաթիռի հետ կապված միջադեպով, որը թուրքական ՌՕՈՒ-ն խոցել է այսօր առավոտյան:
«Բան Կի Մունը բոլոր կողմերին կոչ է արել անհապաղ միջոցներ ձեռնարկել՝ լարվածության սրումը թուլացնելու համար»,- Նյու Յորքում կայացած ճեպազրույցում հայտարարել է ՄԱԿ-ի մամուլի քարտուղար Ստեֆան Դյուժարիքը:
Բան Կի Մունը «հույս է հայտնել, որ միջադեպի՝ վստահություն ներշնչող, մանրամասն վերլուծությունը կօգնի լույս սփռել տեղի ունեցածի վրա, եւ կանխել հետագայում դրա կրկնությունը»: