«Իսլամական պետություն» ահաբեկչական խմբավորման դեմ անհրաժեշտ է առավել լայն կոալիցիա: Այս մասին հայտարարել է Իտալիայի վարչապետ Մատեո Ռենցին:
«Առավել լայն կոալիցիայի անհրաժեշտություն կա, որը թույլ կտա ոչնչացնել ԻՊ-ին»,-ասել է Ռենցին Փարիզում, որտեղ հանդիպում է ունեցել Ֆրանսիայի նախագահ Ֆրանսուա Օլանդի հետ, հաղորդում է «ՌԻԱ Նովոստին»:
Խոսելով ահաբեկչությունների մասին, որոնք տեղի ունեցան նոյեմբերի 13-ին, Փարիզում, որի պատասխանատվությունն իր վրա վերցրեց «Իսլամական պետությունը», Ռենցին նշել է, որ այդ հարձակումները «ոչ միայն Ֆրանսիայի, այլեւ Եվրոպայի եւ ողջ աշխարհի դեմ էին ուղղված»:
65 երկրներից կազմված կոալիցիան, որը գլխավորում է ԱՄՆ-ը, 2014-ի սեպտեմբերից հարվածներ է հասցնում Սիրիայի տարածքում ահաբեկիչներին՝ առանց Սիրիայի նախագահի համաձայնության, ինչպես նաեւ Իրաքի տարածքում, որտեղ ամերիկացիներին հրավիրել են երկրի իշխանությունները: Կոալիցիայի ավիահարվածների 80 տոկոսն իրականացնում են ԱՄՆ զինված ուժերը:
