![](img/news/29/96/42/default.jpg)
Երեւանի փոխոստիկանապետ Վալերի Օսիպյանը ոստիկանների ականջների մեջ տամպոններ է մտցրել, որ «Նոր Հայաստանի» կոչերը չլսեն: Այս մասին այսօր՝ դեկտեմբերի 2-ին, ԿԸՀ-ի շենքի դիմաց ասաց քաղաքագետ Հմայակ Հովհաննիսյանը՝ դիմելով շենքը շրջափակած ոստիկաններին: Հմայակ Հովհաննիսյանը կոչ արեց ոստիկաններին պաշտպանել Հայաստանի սահմանները, ոչ թե իշխանություններին, եւ ժողովրդի կողքին լինել։
«Կասկեքով եք չեք լսում, ես համզված եմ, որ Օսիպյանը տամպոններ է մտցրել ականջներիդ մեջ, որ մեզ չլսեք»,-ասաց Հմայակ Հովհաննիսյանը:
Ընդդիմության միասնական շտաբի ղեկավար Ժիրայր Սեֆիլյանն էլ նշեց, որ ոստիկանությունը «Նոր Հայաստանի» կողքին է, եւ շատ քիչ է մնացել, որ ոստիկանները դա գիտակցեն:
«Մնացել է մի քանի օր, որ ապացուցվի՝ մեզ հետ եք: Առաջիկա օրերին, եթե կասեցման պահանջը հակառակորդը կյանքի չկոչի, կկանգնենք ԿՀԸ-ի շենքի դիմաց եւ չենք հեռանա, միչեւ որ ռեժիմը չհեռանա»,-ասաց Ժիրայր Սեֆիլյանը:
Մի քանի րոպե ԿԸՀ–ի մոտ հանրաքվեի կասեման եւ Սեր Սարգսյանի հեռանալու կոչեր հնչեցնելուց հետո երթը շարժվեց շարունակվեց։