Գյումրիում՝ ռուսական բազայի տարածքում, ավելի քան կես ժամ ուշացումով սկսվել է Ավետիսյանների սպանության գործով հերթական նիստը։
Տուժածների իրավահաջորդների ներկայացուցիչները, ինչպես խոստացել էին նախորդ նիստի ժամանակ, միջնորդություն են ներկայացրել ռուսական կողմից Վալերի Պերմյակովի առողջական վիճակի, զորակոչման եւ ծառայության մասին մի շարք փաստաթղթեր տրամադրելու մասին։ Միջնորդությանը միացել էին նաեւ տուժածների իրավահաջորդները։ Ամբաստանյալն ասաց, որ ինքը առարկություններ չունի։
Միջնորդությունը առաջ բերեց դատավոր Հարություն Մովսիսյանի առարկությունը, որը համարեց, որ միջնորդությունը վաղաժամ է։ Այդ կապակցությամբ փաստաբան Լուսինե Սահակյանը ստիպված էր հիշեցնել Քրեական դատավարության օրենսգրքի մասին, որի համաձայն կողմերն իրավունք ունեն այդ փուլում փաստաթղթեր պահանջել։ Սակայն դատավորը կարծիքը չփոխեց։
Դրան ի պատասխան՝ դահլիճից հարազատները դատավորին մեղադրեցին կողմնակալության մեջ։ Դատավորը նախընտրեց անտեսել եւ իրավախախտներին դահլիճից դուրս չհանել։
Դատավորի վճռին ի պատասխան՝ փաստաբան Լուսինե Սահակյանը նշեց, որ դրանով դատավորը իրենց զրկում է միջնորդություն ներկայացնելու հնարավորությունից։ Իրավաբանը հարցրեց, թե ում շահերն է պաշտպանում դատավորը, եթե բոլոր կողմերը պաշտպանում են միջնորդությունը, եւ միայն դատավորն է դեմ։
Իրավապաշտպան Արթուր Սաքունցը եզրակացրեց, որ դատավորը այդպիսով հանդես է գալիս որպես կողմ։
Միջնորդությունը բավարարելու փաստաբանների եւ իրավապաշտպան Արթուր Սաքունցի փորձերը հաջողություն չունեցան։
