![](img/news/31/04/52/default.jpg)
Հունվարի վերջին ինքնասպան եղած աշխարհի լավագույն խոհարար Բենուա Վիոլիեն, հնարավոր է, խարդախ գինեվաճառի զոհ է դարձել, հայտնում է Bilan շվեյցարական ամսագիրը։
Հիշեցնենք, որ 44-ամյա խոհարարի դին հայտնաբերել էին հունվարի 31-ին Շվեյցարիայում։ Նախնական տեղեկություններով՝ Վիոլիեն կրակել է իր վրա։ Ֆրանսիայում ծնված խոհարարը ղեկավարում է Քրիսիե շվեյցարական քաղաքի Hôtel de Ville լեգենդար ռեստորանը, փոխանցում է «ՌԻԱ Նովոստի»-ն։
Ամսագրի տեղեկություններով՝ Վիոլիեի ինքնասպանությունից 2 շաբաթ առաջ բանտից դուրս էր եկել ոմն Վ., որը մի քանի ամսով ազատազրկվել էր ֆինանսական չարաշահումների համար։
Պարբերականը նշում է, որ Վ.-ն, լինելով Private Finance Partners ընկերության ղեկավարը, ֆինանսական «բուրգ» հիշեցնող սխեմայով նույն թանկարժեք գինու շիշը վաճառում էր միանգամից մի քանի ռեստորանների, այդ թվում Վիոլիեի ռեստորանին։ Լրագրողների գնահատմամբ՝ ռեստորանը այդ խարդախությունից կորցրել էր 800 հազարից 2 մլն շվեյցարական ֆրանկ։