Սիրիայում ռուսական ավիահարվածներն ուղղված են կոալիցիոն ուժերի կողմից աջակցություն ստացող չափավոր ընդդիմությանը։ Նման հայտարարություն է արել Թուրքիայի ԶՈՒ գլխավոր շտաբի պետ Հուլուսի Աքարը։
Թուրքական Internethaber կայքի փոխանցմամբ՝ Քուվեյթում ԻՊ-ի դեմ պայքարի միջազգային կոալիցիայի ԶՈՒ գլխավոր շտաբի պետերի հանդիպմանը իր տեսակետներով հանդես է եկել նաեւ Թուրքիայի ԶՈՒ գլխավոր շտաբի պետը, ով առաջին անգամ է խոսել Սիրիայում ՌԴ-ի քաղաքականության մասին։ «Ռուսաստանի ավիահարվածները Սիրիայում ուղղված են կոալիցիոն ուժերի կողմից աջակցություն ստացող չափավոր ընդդիմությանը։ Ռուսաստանի ավիահարվածների հետեւանքով քաղաքացիական անձիք են զոհվում ու դեպի Թուրքիա գաղթականների հոսք է տեղի ունենում»,-ասել է Հուլուսի Աքարը։