Կիպրոսի իշխանությունները մտադիր են արգելափակել Թուրքիայի՝ Եվրամիության անդամակցության հարցը, քանի դեռ Անկարան չի ճանաչել Կիպրոսը՝ որպես անկախ պետություն։ Այս մասին ասել է Կիպրոսի նախագահ Նիկոս Անաստադիսը, փոխանցում է BBC-ի Ռուսական ծառայությունը։
«Ես Տուսկին ներկայացրել եմ մեր դիրքորոշումը, որ Կիպրոսի Հանրապետությունը չի համաձայնի ինչ-որ փուլերի բացմանը, եթե Թուրքիան չկատարի համաձայնագրերի շրջանակներում ստանձնած իր պարտավորությունները»,- ասել է Անաստասիադիսը։
Կիպրոսի ղեկավարը հանդիպում էր ունեցել Եվրախորհրդի ղեկավար Դոնալդ Տուսկի հետ, որպեսզի քննարկի ԵՄ-Թուրքիա համաձայնագիրը։
Ըստ համաձայնագրի՝ Թուրքիան պարտավորվում է ընդունել եվրոպական երկրներից հետ ուղարկած անօրինական միգրանտներին, իսկ դրա դիմաց ԵՄ-ին Թուրքիայի անդամակցության բանակցությունները պետք է վերսկսվեն։
Թուրքիան չի ճանաչում Կիպրոսի պաշտոնական կառավարությունը, որը 2 մասի է բաժանվել 1974թ.-ի հեղափոխությունից հետո։ Հույն կիպրոսցիները պլանավորում էին միավորվել Հունաստանի հետ, ինչին ի պատասխան՝ Թուրքիան իր զորքը մտցրեց Կիպրոս։
