Ռուսաստանի Քննչական կոմիտեն քրեական գործ է հարուցել Կերչի նեղուցի վրայով կառուցվող կամրջի հենասյուներին թուրքական «Լիրա» բեռնանավի բախման փաստի առիթով:
«Ներկայում նավը Տագանրոգի նավահանգստում է: Քննչական մարմինը բախման փաստով քրեական գործ է հարուցել: Բացի այդ, դատարանում կքննվի նաեւ նավի իրավաչափ գործողությունների մասին գործը»,- քննչական կոմիտեի աղբյուրի տեղեկությունն է փոխանցում ՌԻԱ Նովոստին:
Հիշեցնենք, որ մարտի 19-ին թուրքական Turkuaz Shipping Corp. ընկերությանը պատկանող «Լիրա» բեռնանավը բախվել է կամրջի հենասյուներին: Արդյունքում դրանցից մեկը փլուզվել է, մյուսը, հավանաբար, ներքին վնասվածքներ ստացել: