Մոսկվան շարունակում է մնալ Թուրքիայի ընկերը, բայց կան խնդիրներ առանձին քաղաքական գործիչների հետ: Այս մասին, այսօր՝ ապրիլի 14-ին, «Ուղիղ գծի» ժամանակ նշել է Ռուսաստանի նախագահ Վլադիմիր Պուտինը:
«Մենք թշնամական օղակում չենք հայտնվում: Մենք բարիդրացիական հարաբերություններ ունենք աշխարհի երկրների մեծ մասի հետ»,-ասել է նա:
Պուտինի խոսքով, Ռուսաստանն, ընդհանուր առմամբ, բարիդրացիական հարաբերություններ ունի իր հարեւանների եւ այլ երկրների հետ: «Նույն Թուրքիային համարում ենք մեր ընկերը, իսկ թուրք ժողովրդին՝ բարեկամ ժողովուրդ»,-նշել է Պուտինը:
Սակայն ՌԴ նախագահն ընդգծել է, որ Ռուսաստանը խնդիրներ ունի որոշ քաղաքական գործիչների հետ: «Մենք աշխատում ենք հանգիստ, առանց որեւէ կտրուկ ցատկերի: Իսկ ոչ բարեկամական գործողություններին պետք է արձագանքել, հակառակ դեպքում վզիդ կնստեն»,-ընդգծել է Պուտինը:
