Ռուսաստանի եւ Ֆրանսիայի Ինտերպոլի կողմից հետախուզվող քրեական հեղինակություն Վալիդ Լուրախմաեւը (Վալիդոլ) կարող է թաքնվել Ալեքսանդր Սմիրնովի անվան տակ: Ալեքսանդր Սմիրնովը ավելի վաղ Թուրքիայում ձերբակալված 2 ռուսաստանցիներից մեկն է, հայտնում է «Կոմերսանտ»-ը:
«Այդ վարկածը կհաստատվի կամ կհերքվի այն բանից հետո, երբ իրավապահներն ուսումնասիրեն Ալեքսանդր Սմիրնովի մատնահետքերը»,- գրում է թերթը:
Նշենք, որ Չեչնիայի բնակիչ Վալիդ Լուրախմաեւը կասկածվում է 2011-ին «Սարատովստրոյստեկլո» ընկերության նախկին սեփականատեր Միխայիլ Լանինի սպանության մեջ:
