ՆԱՏՕ-ի անդամ արեւմտյան պետությունները պատրաստվում են ընդհանուր առմամբ 4 հազար զինծառայողից կազմված չորս գումարտակ տեղակայել Բալթյան տարածաշրջանում՝ Եվրոպայի արեւելքում դաշինքի ներկայությունն ուժեղացնելու ծրագրի շրջանակում: Այս մասին գրում է Wall Street Journal-ը՝ վկայակոչելով Եվրոպայում եւ ԱՄՆ-ում ռազմական աղբյուրների:
Պարբերականի տվյալներով, ԱՄՆ-ն կարող է Բալթյան երկրներ երկու գումարտակ ուղարկել, եւս մեկական գումարտակ կարող են տրամադրել Գերմանիայի եւ Մեծ Բրիտանիայի զինված ուժերը:
Ըստ ՌԻԱ Նովոստիի, ԱՄՆ պաշտպանության փոխնախարար Ռոբերտ Ուորքը նշել է, որ ՆԱՏՕ-ի ռազմական ներկայության ուժեղացումը կապված է այդ տարածաշրջանում Ռուսաստանի աճող ակտիվության հետ: