Հունիսի 1-ին, ժամը 3-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել 45-ամյա Նարինե Գ.-ն եւ հայտնել, որ Արգավանդում գտնվող հյուրանոցում իրեն ռուսական կեղծ թղթադրամ են տվել:

Ոստիկանության մամուլի ծառայությունից NEWS.am-ին հայտնում են, որ նույն օրը, ժամը 4-ին, ոստիկանության կազմակերպված հանցավորության դեմ պայքարի գլխավոր վարչության, Արմավիրի մարզային վարչության եւ Վաղարշապատի բաժնի ծառայողները կեղծ դրամ իրացնելու կասկածանքով, Փարաքար գյուղից բերման են ենթարկվել 35-ամյա Հարություն Մ.-ն, 22-ամյա Արսեն Մ.-ն եւ 24-ամյա Սլավիկ Հ.-ն:

Պարզվել է, որ Արսեն Մ.-ն մոտ 20 օր առաջ ՌԴ Վոլգոգրադ քաղաքում գնել է չորս հատ 500 եւ երկու հատ 100 անվանական արժեքով կեղծ ռուբլիներ եւ հունիսի 1-ին, ժամը 01.30-ի սահմաններում, դրանք իրացրել է մարմնավաճառ Նարինե Գ.-ին` վերջինիս ծառայություններից օգտվելու դիմաց:

Նարինե Գ.-ն ներկայացրել է 2.200 ՌԴ կեղծ թղթադրամները:

Նշանակվել են փորձաքննություններ:

Կատարվում է քննություն: