Իտալացի լեգենդար դերասանուհի Սոֆի Լորենը Թբիլիսի է ժամանել: Դերասանուհին որպես պատվավոր հյուր մասնակցելու է վրացի օպերային երգչուհի Նինո Սուրգուլաձեի՝ «Ցանկության ծառ» բարեգործական հիմնադրամի միջոցառումներին:
Սոֆի Լորենը Թբիլիսիում կհանդիպի Վրաց Պատրիարք Իլիա 2-րդի եւ վարչապետ Իրակլի Կվիրիկաշվիլիի հետ: Նա նաեւ կայցելի Թբիլիսիի օպերայի եւ բալետի թատրոն, որտեղ հունիսի 15-ին կայանալու է «Սիրո համար» նոր ներկայացման պրեմիերան: Նվագախումբը ղեկավարելու է Սոֆի Լորենի որդին՝ դիրիժոր Կառլո Պոնտի-կրտսերը:
Սուրգուլաձեի հիմնադրամի միջոցառումներին մասնակցության հատուկ հրավեր են ստացել նաեւ իտալացի հայտնի ռեժիսոր Մարկո Գանդինին եւ «Լա Սկալա»-ի գլխավոր պարուսույց Ջանլուկա Սկավիոնին:
Բարեգործական միջոցառումների ընթացքում հավաքված միջոցները կուղղվեն ծանր հիվանդ երեխաների բուժմանը:
