ԵԽԽՎ-ում հայկական պատվիրակությունը այսօր Ստարսբուրգում հանդիպելու է Վենետիկի հանձնաժողովի հետ։ NEWS.am-ին հայտնի է դարձել, որ երեկ՝ հունիսի 23-ին, այս նպատակով Ստրասբուրգ են մեկնել նաեւ կառավարության աշխատակազմի ղեկավար Դավիթ Հարությունյանը եւ արդարադատության նախարար Արփինե Հովհաննիսյանը։

Հանդիպմանը ներկա չի գտնվելու ՀԱԿ խմբակցության ղեկավար Լեւոն Զուրաբյանը։ Ընդդիմությունը ներկայացնելու են ԲՀԿ ղեկավար Նաիրա Զոհրաբյանը եւ ՕԵԿ-ական պատգամավոր Մհեր Շահգելդյանը, այնտեղ է նաեւ Միքայել Մելքումյանը։

Ուշագրավ է, որ այս հանդիպումը նախորդել է հաջորդ շաբաթ սպասվող ԱԺ արտահերթ նիստին, որը հրավիրվել է կոնսենսուսով փոփոխված դրույթները Ընտրական օրենսգրքում ընդգրկելու նպատակով։

Նշենք, որ 4+4+4 ձեւաչափով քննարկումների արդյունքում իշխանությունը որոշ վերապահումներով ընդունեց ընդդիմության 5 պահանջներից 4-ը, բացի տարածքային ցուցակները վերացնելու պահանջից։ Այս կոնսենսուսին չմիացավ քաղաքացիական հասարակությունը։