ՆԱՏՕ-ն Ռուսաստանի հետ առճակատմանն ուղղված քայլեր է ձեռնարկում, Մոսկվան համարժեքորեն կարձագանքի դրան, բայց չի ենթարկվի «միլիտարիստական արբեցմանը», հայտնել է Ռուսաստանի նախագահ Վլադիմիր Պուտինը:
«ՆԱՏՕ-ի հակառուսաստանյան ուղղվածությունն այսօր միտումնավոր ընդգծվում է: Դաշինքը ոչ միայն Ռուսաստանի պահվածքի մեջ սեփական գոյության օրինականության եւ նպատակահարմարության հաստատում է փնտրում, այլեւ մեր հանդեպ ռեալ առճակատմանն ուղղված քայլեր է ձեռնարկում», - հայտնել է Պուտինը Ռուսաստանի դեսպանների եւ միջազգային կազմակերպություններում ներկայացուցիչների հետ հանդիպմանը, հայտնում է «Ինտերֆաքսը»:
«Մենք գիտենք, թե ինչպես համարժեքորեն արձագանքենք եւ անկասկած ապագայում կանենք դա, բայց չենք պատրաստվում տրվել միլիտարիստական արբեցմանը», - հայտնել է ՌԴ նախագահը:
Պուտինը նաեւ նշել է ռուսական սահմանների մոտ ՆԱՏՕ-ի ուսումնավարժանքների կտրուկ աճը: «Մեզ մշտապես մեղադրում են, որ ռազմական ինչ-որ ակտիվություն ենք իրականացնում: Որտե՞ղ: Մեր տարածքում, իսկ այն, ինչ մեր սահմանների մոտ է զարգանում, նորմալ է », — նշել է ՌԴ նախագահը, հայտնում է ՌԲԿ-ն:
