Մոսկվան ձեռնարկում է բոլոր անհրաժեշտ միջոցները Անկարայի հետ հարաբերությունները առավելագույնս օպերատիվ վերականգնելու համար։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան փոխանցում է «ՌԻԱ Նովոստի»–ն։
«Մենք խոսել ենք այն մասին, որ չենք խզում կապերը մարդկանց, ժողովրդի հետ, մենք չենք խզում տնտեսական կապերը, չնայած հիանալի հասկանում ենք, որ քաղաքական սառեցումը անմիջականորեն կազդի նաեւ տնտեսության վրա։ Այժմ այդ արգելքները հանվում են,քանի որ Թուրքիան ներողություն է խնդրել։ Դուք գիտեք այն քայլերի մասին, որոնք ձեռնարկվել են»,- ասած նա ճեպազրույցում։ Զախարովայի խոսքով՝ դա պետք է ավելի շուտ արվեր։ «Բայց կրկնեմ, ավելի լավ է ուշ, քան երբեք։ Մենք ընդունել ենք այդ ներողությունը։ Մենք օպերատիվ եւ առավելագույնս ամեն ինչ արել ենք, որպեսզի հարաբերությունները սկսեն վերականգնվել։ Մենք ելնում ենք այն բանից, որ ներդրումային մթնոլորտը, տնտեսական եւ տարածաշրջանային հարաբերությունները միայն շահում են դրանից», -նշել է դիվանագետը։
