Թուրքիան դեռ Ռուսաստանին անվտանգության երաշխիքներ չի ներկայացրել, որոնք անհրաժեշտ են չարտերային չվերթները վերականգնելու համար։ Այս մասին հայտնել է ՌԴ փոխվարչապետ Արկադի Դվորկովիչը։
Նրա խոսքով՝ ռուսական կողմը Անկարայից ակնկալում է միայն անվտանգության երաշխիքներ։ Նա նշել է, որ դա բավարար կլինի չարտերային չվերթների վերականգնման համար։ «Ամենայն հավանականությամբ, մենք կսպասենք թուրք գործընկերների կողմից առնվազն պաշտոնապես անվտանգության երաշխիքների տրամադրմանը։ Հասկանալի է, որ այս աշխարհում ոչինչ երաշխավորված չէ, բայց առնվազն նրանք պետք է նման երաշխիքներ տան, եւ դա բավական կլինի չվերթները վերականգնելու համար»,– ասել է փոխվարչապետը։
Դվորկովիչը նշել է, որ Տրանսպորտի նախարարությունը Թուրքիայի հետ ավիահաղորդակցման վերականգնման համար 2-3 օրից իր առաջարկները կներկայացնի, փոխանցում է ՌԲԿ–ն։