Ի պատասխան «Ի աջակցություն Լեւոն Հայրապետյանի» նախաձեռնության անդամ Հայկազ Մակարյանի հայտարարությանն այն մասին, թե ՀՀ մարդու իրավունքների պաշտպան Արման Թաթոյանը Լեւոն Հայրապետյանի հարցով չի դիմել ՌԴ կողմին, ՄԻՊ խոսնակ Զոհրապ Եգանյանը տեղեկացնում է, որ դեռեւս սույն թվականի ապրիլի 20-ին Արման Թաթոյանը պաշտոնական գրությամբ դիմել է ՌԴ մարդու իրավունքների հանձնակատարին՝ Լեւոն Հայրապետյանի առողջությունը վտանգող պայմանների վերացման եւ անհրաժեշտ բժշկական օգնության տրամադրման հարցով:
«Պաշտպան Արման Թաթոյանը մշտապես ուշադրության կենտրոնում է պահում Լեւոն Հայրապետյանի հարցը: Օրեր առաջ՝ հուլիսի 4-ին, Վերին Լարս անցակետում առաջացած խնդրով ռուսաստանյան իր գործընկերոջ հետ ունեցած հեռախոսազրույցի ժամանակ եւս Ա. Թաթոյանը քննարկել է Լեւոն Հայրապետյանի առողջական վիճակի հարցը»,- նշել է Եգանյանը:
Նշենք, որ այսօրվա ասուլիսում այրապետյանի աջակցության համար ստեղծված նախաձեռնող խմբի անդամ, իրավաբան Հայկազ Մակարյանը տեղեկացրել էր, որ իրենց նախաձեռնությունը վերսկսելու է Երեւանում ի պաշտպանություն Հայրապետյանի կազմակերպող բողոքի ակցիաները:
