Ռուս–թուրքական հարաբերությունների կարգավորման համատեքստում Թուրքիայից պաշտոնյաներից ու տուրիզմի ոլորտների ներկայացուցիչներից բաղկացած պատվիրակություն է մեկնելու ՌԴ։
Ինչպես տեղեկացնում է թուրքական Milliyet–ը, Թուրքիայի ԱԳՆ տարածած հայտարարության մեջ նշվել է, որ ՌԴ–ի հետ տուրիզմի ոլորտի համագործակցության համար Թուրքիայի մշակույթի եւ տուրիզմի նախարարության, Տրանսպորտի եւ հաղորդակցության նախարարության եւ Ներքին գործերի նախարարության պատասխանատուների ու տուրիզմի ոլորտի մասնավոր հատվածի ներկայացուցիչները հուլիսի 14–ին Մոսկվայում հանդիպումներ են անցկացնելու։
Նշվել է, որ կողմերը քննարկելու են չարթերային թռիչքների մեկնարկումից հետո ռուս զբոսաշրջիկների անվտանգության եւ տուրիզմի ոլորտի այլ խնդիրներ։