Միլիարդերորդ iPhone–ը վաճառքի կհանվի այս տարվա վերջին։ Այսպիսի հաշվարկներ են արել Inquisitr ցանցային ռեսուրսի վերլուծաբանները, հայտնում է Planet Today–ը։

Չնայած նման կարեւոր նվաճումներին՝ Apple–ը չպետք է թուլանա, քանի որ, որոշ փորձագետներ կարծում են, որ սմարթֆոնների շուկան արդեն գերհագեցած է, եւ մոտ ապագայում վաճառքի դինամիկան կթուլանա։ Այս պահին Apple–ին եկամուտների առյուծաբաժինը ստացվում է հենց iPhone–ի վաճառքից։ Ուստի այդ սեգմենտի վաճառքի նվազումը կարող է լրջորեն անդրադառնալ ամերիկյան արտադրողի դիրքերին։

Երկիր մոլորակի բնակչությունը կազմում է 7.3 մլրդ մարդ։ Այսինքն՝ Apple–ի iPhone սմարթֆոնների արտադրական ծավալն արդեն պայմանականորեն վերաբերում է մոլորակի ամեն 8-րդ բնակչին։