Իտալական ոստիկանությունը Միլանի մետրոյի Centrale կայարանից տարհանել է ուղեւորներին. պատճառը կասկածելի առարկայի հայտնաբերումն է: Ըստ BBC-ի՝ ոստիկանները նաեւ ստիպված են եղել դադարեցնել Միլանի մետրոյի երկու՝ M2 եւ М3 ուղղություններով գնացքների երթեւեկությունը:
La Stampa-ի տեղեկություններով՝ Centrale կայարանում լարերով եւ մարտկոցներով փայտե տուփ են հայտնաբերել: Corriere della Sera-ն էլ գրում է, որ ուղեւորների շրջանում խուճապ չի եղել: Դեպքի առիթով հետաքննություն է սկսվել:
Իտալիայում անվտանգության միջոցառումները խստացվել են Ֆրանսիայում եւ Գերմանիայում իրականացված հարձակումներից հետո: Իշխանությունները նաեւ ուժեղացրել են վերահսկողությունը սահմաններին:
