![](img/news/34/22/36/default.jpg)
Անասնաբուժական եւ բուսասանիտարական վերահսկողության դաշնային ծառայությունը («Ռոսսելխոզնադզոր») պատրաստ է չեղարկել թուրքական արտադրանքի ներմուծման տեխնիկական արգելքը, սակայն Թուրքիայի կողմից բուսասանիտարական անվտանգության ուժեղացումից հետո միայն: «ՌԻԱ Նովոստի»-ի փոխանցմամբ՝ այս մասին հայտնել է «Ռոսսելխոզնադզոր»-ի ներկայացուցիչ Յուլյա Մելանոն:
Մելանոն ընդգծել է, որ արտահանման համար նախատեսված արտադրանքի բուսասանիտարական բարելավման ոլորտում աշխատող թուրք գործընկերները, ցավոք, բավարար ծանոթ չեն եւ անտեղյակ են այդ ուղղությամբ Ռուսաստանի Դաշնության պահանջներին:
«Ներկայումս մենր թուրք գործընկերներից համապատասխան գործողություններ ենք սպասում այդ հարցը անհրաժեշտ մակարդակի հասցնելու համար, եւ միայն դրանից հետո կարող ենք խոսել տեխնիկական արգելքը չեղարկելու մասին»,- ասել է Մելանոն:
Նրա խոսքով՝ «Ռոսսելխոզնադզոր»-ը տեխնիկական արգելք է սահմանել թուրքական մի շարք արտադրանքի, այդ թվում՝ դդմիկի վրա:
ՌԴ-ն Թուրքիայի նկատմամբ հատուկ միջոցառումների շրջանակում 2016-ի հունվարի 1-ից արգելել էր այդ երկրից պտուղ-բանջարեղենի մի շարք տեսակների ներմուծումը (նարինջ եւ մանդարին, խաղող, խնձոր, տանձ, ծիրան, դեղձ, ներառյալ՝ քաղցր ըմպելիքներ, սալոր, մամուխ, մորի եւ ելակ, տոմատ, սոխ, ծաղկակաղամբ, բրոկոլի, վարունգ եւ թթու դրած վարունգ): Սահմանափակումները տարածվել են նաեւ չրերի եւ հավամթերքի, աղի եւ մեխակի վրա: Դրանից բացի տարվա սկզբից «Ռոսսելխոզնադզոր»-ը տարբեր ժամկետներով որոշ սահմանափակումմներ է մտցրել թուրքական այլ բանաջարեղենի ներմուծման վրա եւս՝ դրանց ցածրորոակ լինելու պատճառով (սմբուկ, դդմիկ եւ դդում):