YouGov հետազոտական ընկերության հարցման արդյունքների համաձայն Մեծ Բրիտանիայի բնակիչների մեծ մասը կողմ է մուսուլման կանանց բուրկա (ավանդական մուսլուլմանական հագուստ) կրելու արգելքին, որն ամբողջությամբ ծածկում է դեմքը, գրում է The Independent թերթը:
Հարցվածների 57 տոկոսը կողմ է արտահայտվել նման արգելքին եւ միայն 25 տոկոսն է դեմ եղել: Միաժամանակ 18-24 տարեկան երիտասարդներն առավել հանդուրժող են բուրկա կրելու նկատմամբ, իսկ 65 տարեկանից մեծ բնակիչները առավել կտրուկ են իրենց դիրքորոշման մեջ: Այդ տարիքի բրիտանացիների 78 տոկոսը կողմ են նման հագուստ կրելու արգելքին:
Բացի այդ, հարցման ժամանակ պարզվել է, որ բրիտանացիների 46 տոկոսը կողմ է նաեւ բուրկինիի (մուսուլման կանանց լողազգեստ) արգելքին:
