«Չորրորդ իշխանություն» թերթը գրում է. «Երբ Վերահսկիչ պալատի նախագահը հանդես է գալիս Ազգային ժողովում, մարդ զարհուրում է, բայց ես հլա չեմ տեսել, որ մեկին գնդակահարեն, կախաղան բարձրացնեն։ Օրենքի հումանիտար վերաբերմունքը այդպիսի մարդկանց նկատմամբ թողտվություն է ստեղծել, հայտարարել է հանրապետական պատգամավոր Համլետ Հարությունյանը։
«ՉԻ» - Փաստորեն պատճառը Հայաստանի օրենքներն են։ Դրանք, հասկանում եք, շատ են մարդասիրական եւ բյուջեն թալանելու համար ոչ գնդակահարություն են նախատեսում, ոչ կախաղան։ Դրա համար էլ մարդիկ գողանում են։ Հետաքրքիր է, իսկ Համլետ Հարությունյանը տեղյա՞կ է, որ մեր օրենքները, ճիշտ է, գնդակահարություն ու կախաղան չեն ենթադրում, բայց բյուջեն թալանողների համար մի 10-15 տարվա ազատազրկում նախատեսում են։ Ու թարսի պես՝ իշխանության վերին օղակներից դեռ ոչ մեկին այդքան տարով չեն նստացրել։
Այնպես որ՝ խնդիրը մեր օրենքների չափազանց հումանիստական լինելը չէ։ Խնդիրն այն է, որ մեր օրենքները չեն գործում։ Տեսնես ո՞վ է դրա պատասխանատուն»:
Առավել մանրամասն՝ թերթի այսօրվա համարում
