Հայ–ռուսական միավորված զորախմբի ստեղծումը մինչեւ այս տարվա ապրիլը գոյություն ունեցող հավասարակշռության խախտումը վերացնելու փորձի մի մասն է։ Այս մասին դեկտեմբերի 5-ին՝ մամուլի ասուլիսի ժամանակ, ասել է Կովկասի ինստիտուտի տնօրեն քաղաքագետ Ալեքսանդր Իսկանդարյանը։
Նրա խոսքով՝ Հայաստանն անվտանգության այլընտրանք առանձնապես չունի։ «Եվրամիությունը մեր անվտանգությունն ապահովում է ՆԱՏՕ–ի միջոցով, իսկ Թուրքիան ՆԱՏՕ–ի անդամ է, վերջ։ Գործող անվտանգության համակարգն ուրիշով փոխարինել հնարավոր չէ»,– ասել է Իսկանդարյանը։
Նա կարծում է, որ հայ–ռուսական միավորված զորախմբի ստեղծումը Հայաստան–Ռուսաստան նորմալ փոխգործակցության արդյունք է։ «Դա չի կարող ուղղակիորեն վերաբերել Ղարաբաղին, քանի որ դա ուրիշ պետություն է։ Համաձայնագիրը ստորագրվել է Հայաստանի եւ Ռուսաստանի Դաշնության միջեւ։ Սակայն բացարձակապես պարզ է, որ Ղարաբաղի անվտանգությունն ապահովում է Հայաստանը։ Իսկ որտեղի՞ց Ղարաբաղին զենք, ի՞նչ ճանապարհով է այն հասնում Ղարաբաղ։ Երեւի թե կան ինչ–որ ձեւաչափեր, որոնք կապ ունեն հայ–ռուսական հարաբերությունների հետ»,– ամփոփեց Ալեքսանդր Իսկանդարյանը։