Իսրայելական Challenge հիմնադրամի գործադիր փոխտնօրեն Սաուլ Ռեյքմանը կարծում է, որ հայերը պետք է օգտագործեն սփյուռքի ներուժն ու հզոր ներկայությունը տեխնոլոգիական աշխարհում՝ հօգտում հայկական ստարտափերի առաջխաղացման: Այս մասին նա ասել է NEWS.am թղթակցի հետ զրույցում Empowering Ideas միջազգային տեխնոֆորումի ժամանակ:
Սաուլ Ռեյքմանի կարծիքով՝ ունենալով հզոր եւ ամենուր ներկայություն ունեցող սփյուռք՝ հայկական ստարտափերը մեծ հնարավորթուններ ունեն իրենց պրոդուկտները ներկայացնել գլոբալ շուկա եւ ազդեցիկ դիրք գրավել: «Իսրայելն ու Հայաստանը զարմանալիորեն շատ նմանություններ ունեն: Փոքր տարածք, քիչ բնակչություն, վտանգավոր հարեւաններ. սա մեզ ստիպել է օգտագործել մեր ինտելեկտը, ձեռնարկատիրական տաղանդը եւ ռիսկի գնալու ունակությունները՝ աշխարհում արեւի տակ մեր տեղն ունենալու համար ճանապարհ հարթելով: Կարծում եմ՝ Սփյուռքի պոտենցիալն օգտագործելը՝ սեփական պրոդուկտներն աշխարհին ներկայացնելու ռազմավարության կարեւոր կետերից է»,- ասել է Challenge հիմնադրամի փոխտնօրենը:
Մինչև դեկտեմբերի 30-ը ստացեք գրավով ապահովված սպառողական վարկեր 18-19% տարեկան տոկոսադրույքով: |
Ռեյքմանի խոսքով՝ կառավարության աջակցությունը շատ կարեւոր է ինովացիոն եւ ձեռնարկատիրական ոլորտը զարգացնելու համար: «Նման աջակցությունը միշտ էլ ցանկալի է եւ օրհնված: Սակայն շատ կարեւոր է գտնել այն հավասարակշռության կետն, որտեղ աջակցությունը չի վերածվում միջամտության: Իսրայելի կառավարությունը միշտ ականջալուր է ոլորտին՝ աջակցելով նրան, սակայն ոչ միջամտելով: Սա ամենաճիշտ ռազմավարությունն է ըստ իս»,- հավելել է Սաուլ Ռեյքմանը:
Empowering Ideas միջազգային ֆորումը անցել է Երեւանում դեկտեմբերի 12-ին: Ֆորումը կազմակերպվել էր Վաշինգտոնում գործող World Learning կազմակերպության կողմից՝ Հայաստանում ԱՄՆ դեսպանության աջակցությամբ: