Փարիզի իշխանությունները քաղաքում էլեկտրական շարժիչով 2 անվարորդ մինի ավտոբուս են գործարկել։ Դեռեւս այդ նախագիծը փորձնական է համարվում, սակայն հաջողության դեպքում քաղաքային իշխանությունները պատրաստ են զարգացնել այդ տրանսպորտը, հայտնում է BBC–ն։
Երկու ավտոբուսն էլ Փարիզի 13-րդ շրջանում իրականացնում են Լիոնի եւ Աուստերլիցի կայարանների միջեւ կարճ երթուղին։ Նրանք շարժվում են բացառապես այդ երթուղով, որով այլ տրանսպորտ չի երթեւեկում։
Ամեն ավտոբուս տեղավորում է 12 մարդ։ Այն ունի լազերային հեռաչափ եւ բազմաթիվ խցիկներ, որոնք օգնում են կանխել մարդկանց եւ մեքենաների հետ բախումը։
