Ռուսաստանը Հայաստանի առաջատար արտաքին տնտեսական գործընկերն է. Հայաստանի արտաքին առեւտրում ՌԴ-ի բաժինը գրեթե 25 տոկոս է: Այս մասին հունվարի 24-ին Հայաստանի վարչապետ Կարեն Կարապետյանի հետ հանդիպումից եւ բանակցություններից հետո հայտարարել է Ռուսաստանի վարչապետ Դմիտրի Մեդվեդեւը:
Ռուսաստանի վարչապետի խոսքով՝ չնայած երկու երկրների միջեւ տնտեսական կապերը համընդգրկուն բնույթ են կրում, այդուհանդերձ կան ոլորտներ կամ այն նշաձողերը, երբ այդ համագործակցությունը հնարավոր էր գործնականում զրոյից զարգացնել: «Եվ դա շատ կարեւոր է մեր հարաբերությունների ապագայի համար»,- ընդգծել է Դմիտրի Մեդվեդեւը:
