«Հայկական վերածնունդ» կուսակցությունը, ամենայն հավանականությամբ, առաջիկա խորհրդարանական ընտրություններին ինքնուրույն կմասնակցի: Այս մասին հունվարի 25-ին՝ մամուլի ասուլիսի ժամանակ ասաց «Հայկական վերածնունդ» (վերակազմավորված «Օրինաց երկիր») կուսակցության մամուլի քարտուղար Էդգար Առաքելյանը:
Նրա խոսքով՝ ճիշտ է, ժամանակ քիչ է մնացել, այդուհանդերձ, մյուս քաղաքական ուժերի հետ խորհրդակցություններ են անցկացվում: «Մենք համագործակցության համար դռները դեռեւս չենք փակել: Պետք է նաեւ հաշվի առնել, որ «Հայկական վերածնունդ» են մտել մոտ 200 միավորումներ: Այնպես որ՝ այս տեսակետից մենք եւս յուրատեսակ դաշինք ենք»,- նշեց Առաքելյանը՝ շարունակելով, որ «Հայկական վերածնունդը» իր գործումնեությունը չի կապում այս կամ այն քաղաքական գործչի ակտիվության կամ պասիվության հետ:
Էդգար Առաքելյանը հայտնեց, որ ընթացիկ տարվա փետրվարի 11-ին տեղի կունենա «Հայկական վերածնունդ» կուսակցության համագումարը: