Այսուհետ Հայաստանում կգործի իտալական գրանդ ակումբ «Ինտերի» պաշտոնական ֆան-ակումբը: Այդ մասին հայտնում է իտալական ակումբի պաշտոնական էջը:

NEWS.am-ի թղթակցի հետ զրույցում «Ինտերի» ֆան-ակումբի նախագահ Էդգար Պետրոսյանն ասաց, որ վաղուց էին երազում ունենալ Ներաձուրիների պաշտոնական ֆան-ակումբը Հայաստանում:

«Այժմ ունենք գրանցված 27 անդամ: Ֆան-ակումբ ստեղծելու գաղափարը առաջացավ նախորդ տարվա դեկտեմբերին: Մեկ ամսվա մեջ դրական պատասխան ստացանք մեր սիրելի թիմից: Այժմ կգործենք որպես պաշտոնական ֆան-ակումբ: Առաջիկայում շատ ծրագրեր ունենք: Ցանկանում ենք հանդիպել Վրաստանի եւ Իրանի ֆան-ակումբների հետ: Պաշտոնական ֆան-ակումբ լինելը շատ առավելություններ է տալիս՝ տոմսերի ձեռքբերում առանց խնդրի, զեղչեր պաշտոնական խանութից, լինել «Ինտերի» մեծ ընտանիքի անդամ»,-ասաց Պետրոսյանը:

Հիշեցնենք, որ 1996-1999 «Ինտեր»-ում է հանդես եկել Յուրի Ջորկաեֆը:

Վերա Մարտիրոսյան