Փետրվարի 7-ին խորհրդարանում քննարկեցին ԱՊՀ-ի արժութային շուկային ինտեգրվելու մասին համաձայնագիրը:
Հիշեցնենք, որ 2012-ի դեկտեմբերին Աշգաբադում ԱՊՀ անդամ երկրների արժութային ինտեգրված շուկա կազմակերպելու ոլորտում համագործակցության մասին համաձայնագիր է ստորագրվել: Այն առայժմ վավերացրել են Ռուսաստանը, Բելառուսը, Ղազախստանը եւ Ղրղզստանը:
Համաձայնագիրը ԱՊՀ մի երկրի ռեզիդենտ բանկերին թույլ է տալիս Համագործակցության մեկ այլ երկրի արժութային շուկայում միջբանկային արժութային կոնվերսիա իրականացնել նույն պայմաններով, ինչ այդ երկրների ռեզիդենտ բանկերը: Այսպիսով, բանկերը հնարավորություն են ստանում գործընկեր երկրներում արժույթը փոխանակել առանց միջնորդավճարի եւ այլ ծախսերի:
Համաձայնագիրն արդեն վավերացրած երկրները մտնում են Եվրասիական միության մեջ, որտեղ արդեն այդպիսի ռեժիմը գործում է՝ միջբանկային արժութային շուկաներում հավասար պայմաններն ամրագրված են ԵՏՄ-ի հիմնադրման համաձայնագրում: Այս համաձայնագրից օգտվում է նաեւ Հայաստանը: