Ապրիլյան ընտրություններից հետո էլ Կարեն Կարապետյանը կլինի Հանրապետական կուսակցության վարչապետի թեկնածուն: Այս մասին փետրվարի 27-ին՝ մամուլի ասուլիսի ժամանակ սաց ՀՀԿ փոխնախագահ Արմեն Աշոտյանը:

Նրա խոսքով՝ նոր կառավարության եւ նոր վարչապետի վարկանիշը եւ հասարակական ընկալումն այնքան բարձր են, անցկացվող սոցիալական նոր քաղաքականության նկատմամբ հանրության շրջանում հավատն այնքան ուժեղ է, որ ՀՀԿ-ում համոզված են՝ նրան նորից հաստատելու համար բոլոր հնարավորություններն առկա են: «Նոյեմբերին կայացած համագումարի ժամանակ նախագահը հայտարարեց, որ եթե Հանրապետական կուսակցությունն առաջիկա ըտրություններում հաղթի, Կարեն Կարապետյանը վարչապետի մեր թեկնածուն կլինի նաեւ ապրիլյան ընտրություններից հետո»,- ընդգծեց Աշոտյանը: