Ադրբեջանական «Հայելի» թերթի տեսաբան եւ քաղաքական վերլուծաբան Ռաուֆ Միրկադիրովը Շվեյցարիայում քաղաքական փախստականի կարգավիճակ է ստացել: Այս մասին Turan գործակալությանը հայտնել է Միրկադիրովն ինքը:
Լրագրողն Ադրբեջանում դատապարտվել է հօգուտ Հայաստանի լրտեսության մեղադրանքով: Հայկական հատուկ ծառայությունների հետ նրա գաղտնի համագործակցությունն իբր թե տեղի է ունեցել իրավապաշտպան Լեյլա Յունուսի միջոցով: Սակայն դատարանն այդպես էլ չկարողացավ ապացուցել ո՛չ Լեյլա Յունսուսի, ո՛չ նրա ամուսնու՝ Արիֆի, ինչպես նաեւ ո՛չ Միրկադիրովի մեղքը: