ՌԴ ԱԳ նախարար Սերգեյ Լավրովը խոստացել է ջախջախել «Իսլամական պետության»-ը՝ չնայած որ ահաբեկիչները չեն ցանկանում հանձնվել։ Այս մասին նա ասել է «Միր 24» հեռուստաալիքի հետ հարցազրույցի ժամանակ, գրում է Lenta-ն։
Լավրովի խոսքով՝ ԻՊ-ը հիմնավորվել է Մերձավոր Արեւելքում, Աֆրիկայի հյուսիսում, ինչպես նաեւ Աֆղանստանի հյուսիսային շրջաններում, որոնք սահմանկցում են Ռուսաստանի հարեւանների ու դաշնակիցների տարածքներին։
Նա նշել է, որ ՀԱՊԿ անդամ-երների ուժային ենթակառույցները պատրաստ են գործողություններին։ «Պատրաստ են նաեւ ռուսական ռազմաբազաները, որոնք գտնվում են Տաջիկստանում, Ղրղզստանում եւ Հայաստանում։ Քանի դեռ այդ վարակը չի ոչնչացվի, այդ հեռանկարները կպահպանվեն»,-ընդգծել է նա։
Նախարարը հիշեցրել է, որ մեկ ու կես տարի առաջ ՌԴ նախագահ Վլադիմիր Պուտինը Նյու Յորքում ՄԱԿ-ի Գլխավոր վեհաժողովում ելույթ ունենալիս արեւմտյան գործընկերներին առաջարկել է ահաբեկչության դեմ պայքարի միասնական ճակատ ստեղծել։ Լավրովը նշել է, որ չնայած կոալիցիան մինչ օրս լիովին ձեւավորված չէ, ՌԴ նախագահի առաջարկն ուժի մեջ է։
