Երեւանում պետք է կատարելագործել համատիրությունը։ Այս մասին հայտնել է Երեւանի քաղաքապետ, ՀՀԿ-ից առաջադրված քաղաքապետի թեկնածու Տարոն Մարգարյանը։
Ելույթ ունենալով Երեւանի Նոր Նորք թաղամասի բնակիչների առջեւ, Մարգարյանը հայտնել է, որ աշնանը օրինագիծը պատրաստ կլինի ու խորհրդարան կմտնի։ «Կառավարման նոր մեխանիզմները կօգնեն գտնել նոր միջոցներ բնակելի շենքերի՝ մուտքերի, կտուրների, վերելակների պահպանման համար։ Դրանց շուտ են մաշվում, ու դրանց մասին պետք է հոգ տանել։ Եվ մենք արդեն ունենք նախագիծ՝ թե ինչպես կարելի է դա անել»,- հայտնել է նա։
