«Ելք» դաշինքը կայուն ընտրազանգված ունի, եւ դա ապացուցվեց մայիսի 14-ին կայացած Երեւանի ավագանու ընտրություններում: Մայիսի 16-ին լրագրողների հետ հանդիպման ժամանակ այս մասին հայտարարեց «Ելք» դաշիքից 6-րդ գումարման Ազգային ժողովի պատգամավոր Մանե Թանդիլյանը:
Նա հավաստեց, որ իրենց քաղաքական ուժը հետագայում կկրկնապատկի ստացած քվեների թիվը: Թանդիլյանը նաեւ արձանագրեց, որ ի տարբերություն ապրիլի 2-ի խորհրդարանական ընտրությունների՝ Երեւանի ավագանու ընտրություններում ընտրողների մասնակցությունը շատ ցածր էր:
Հիշեցնենք, որ մայիսի 14-ին կայացած Երեւանի ավագանու ընտրություններում հաղթեց իշխող ՀՀԿ-ն՝ հավաքելով 71.25% ձայն: «Ելք» դաշինքը ստացավ 21%, «Երկիր Ծիրանի» կուսակցությունը՝ 7.75% ձայն:
