Մուրոմսկի քաղաքային դատարանը վճիռ է կայացրել 73-ամյա կրկնահանցագործ խաբեբա Վերա Պենդոնենի գործով։ Նրան մեղավոր են ճանաչել մոգական ծեսեր անցկացնելու պատրվակով ավելի քան երեք միլիոն ռուբլի առեւանգելու մեջ, հայտնում է т Newsru-ն։
Դատարանը Վերա Պենդոնենին ազատազրկել է 7․5 տարով։ Նա իր պատիժը կրելու է ընդհանուր ռեժիմի գաղութում։ Դատարանը նաեւ բավարարել է վնասի փոխհատուցման մասին քաղաքացիական հայցերը։
Ֆիննական ազգանունով գնչուհի Վերա Պենդոնենը հարուստ քրեական կենսագրություն ունի։ 15 տարրիների ընթացքում վհուկը «շրջագայում էր» Ռուսաստանում, բազմիցս հայտնվելով իրավապահների ու մամուլի ուշադրության կենտրոնում։
Պարզվել է, որ վհուկն իր հաճախորդներից գումար ու արժեքավոր իրեր էր ստանում, որոնք իբրեւ պետք էին հիվանդությունները բուժող «մոգական ծիսակատարությունների» համար։ Վերա Պենդոնենի դյուրահավատ հաճախորդներից մեկը իր ծանր հիվանդության բուժումը նրան էր վստահել ու դրա հետեւանքով հաշմանդամ դարձել։ Մյուսները ոչ ավանդական մեթոդներով բուժման համար իրենց կյանքով են հատուցել։
Կինը, որը իրեն բուժակ ու «սպիտակ շողի մագիստրոս» էր անվանում, վստահեցնում էր, որ բուժումից հետո կվերդարձնի բոլոր թանկարժեք իրերը։ Սակայն երբ հաճախորդները փորձում էին հետ ստանալ իրենց իրերը՝ Պենդոնենն արդեն անհետացած էր լինում։
Նշենք, որ Կարելիայում Պենդոնենը լեգալ էր գործում, չինովնիկներից ստանալով մասնավոր ձեռներեցի վկայագիր՝ «ոչ ավանդական մեթոդներով ծառայություններ մատուցելու համար»։ Մի անգամ Պենդոնենին են դիմել ուղեղի քաղցկեղով հիվանդ տղայի ծնողները։ Նա մինչեւ տղայի մահանալը հույս էր տալիս ծնողներին, իսկ հետո չէր վերադարձրել գումարը
«Սպիտակ» կախարդանքի սեանսի պաշտոնական արժեքը կազմում էր 200 ռուբլի։ Իրականում հուսահատ հաճախորդները 5-100 հազար ռուբլի էին վճարում։ Իսկ Պետրոզավոդսկից մի բիզնես լեդի 20 000 դոլար էր փոխանցել կախարդուհուն՝ անձնական կյանքում անհաջողությունների շղթային վերջ տալու համար։