Իլոն Մասկը ցուցադրել է ավտոմոբիլային վերելակի նախատիպի աշխատանքը, որը առաջարկում է փոխադրամիջոցները հատուկ թունելներ հասցնելու համար։ Տեսահոլովակը գործարարը հրապարակել է իր Ինսթագրամում։
«Մեքենաների համար մետրո» ստեղծելու մտահղացման մասին Մասկը հայտնել էր այս տարվա մայիսին։ Փողոցից մեքենան պետք է մտնի հատուկ հարթակ, որը մեքենան կիջեցնի թունել։ Դրանից հետո մեքենան մոնոգծերի ցանցով ուղեւորներին կհասցնի նշանակության կետ։ Մեքենաներով հարթակները տեղաշարժվելու են գետնի տակ՝ 200կմ/ժ արագությամբ։
Թունելների անհրաժեշտ ցանց ստեղծելու համար Մասկը բացել է նոր ընկերություն՝ The Boring Company անունով։ Այն արդեն սկսել է Լոս Անջելեսում պիլոտային թունելի կառուցումը։
Բացի դրանց Մասկը ԱՄՆ կառավարությունից արդեն թույատվություն է ստացել Նյու Յորք- Վաշինգտոն թունել կառուցելու համար։ Ակնկալվում է, որ այնտեղ կգործարկվի Hyperloop գերձայնային գնացքների համակարգ, ինչի շնորհիվ ուղեւորները կկարողանան մի քաղաքից մյուսը հասնել ընդամենը 29 րոպեում։