ՌԴ վարչապետ Դմիտրի Մեդվեդեւը ԵՏՄ միջկառավարական խորհրդի ժամանակ խնդրել է քննարկել հաջորդ նիստի անցյկացման ժամկետը հոկտեմբերի 30-31-ից հոկտեմբերի 24-25 տեղափոխելու հնարավորությունը, փոխանցում է «ՌԻԱ Նովոստի»-ն:
«Ես ուղղակի կցանկանայի ուշադրություն դարձնել, որ ռուսական կողմի մոտ ամեն կարգի ուղեւորությունների հետ կապված ժամանակացույցը շատ խիտ է: Մինչ այդ առաջարկվում էր հոկտեմբերի 24-25-ը: Ես խնդրել եմ քննարկել հենց այս ժամկետը, որովհետեւ հոկտեմբերի 30-31-ը ժամանակացույցից դուրս է, բարդ է»,- ասել է Մեդվեդեւը՝ նշելով, որ այս հարցը քննարկվել է ԵՏՄ միջկառավարական խորհրդի նեղ կազմով նիստի ժամանակ:
Միջկառավարական խորհուրդը համաձայնվել է նման հնարավորությունը քննարկել: Այս հարցը կհանձնարարվի հանձնաժողովին:
Նշվում է, որ հանդիպման ընթացքում Ռուսաստանի, Հայաստանի, Բելառուսի, Ղազախստանի եւ Ղրղզստանի վարչապետները կքննարկեն Եվրասիական տնտեսական միության շրջանակում ինտեգրացիոն փոխգործակցության ընդլայնման առանցքային խնդիրները: Առաջնային ուշադրություն կդարձվի ճյուղային համագործակցության զարգացմանը, այդ թվում՝ միասնական էլեկտրաէներգետիկ շուկայի ձեւավորմանը եւ համակարգված տրանսպորտային քաղաքականության իրականացման միջոցառումներին: