Ռուսաստանի վարչապետ Դմիտրի Մեդվեդեւը Աստանայում հանդիպման ժամանակ շնորհավորել է Հայաստանի վարչապետ Կարեն Կարապետյանին ծննդյան օրվա կապակցությամբ, հայտնում է Ռուսաստանի կառավարության կայքը։
Կարապետյանին մաղթելով հաջողություններ՝ Մեդվեդեւը նշել է, որ այսօր հնարավորություն է ընձեռվել քննարկել կառավարության գծով փոխգործակցության որոշ հարցեր։
«Ընդհանուր առմամբ իրավիճակը վատը չէ, քանի որ կա եւ Հայաստանից Ռուսաստան ապրանքների մատակարարումների աճ, ե՛ւ մեր երկրների միջեւ ապրանքաշրջանառության ընդհանուր աճ։ Մենք շարունակում ենք համակարգել մեր դիրքորոշումները՝ համատեղ ներդրումային նախագծերի շուրջ՝ տնտեսական համագործակցության մի շարք ուղղություններով, որոնք համեմատաբար վերջերս են հայտնվել։ Այնպես որ ընդհանուր առմամբ ամեն ինչ լավ է, բայց դա չի նշանակում, որ խոսելու բան չկա»։
Մեդվեդեւի շնորհակալություն հայտնելով՝ Կարապետյանը նշել է «Իրականում մենք բավականին մեծ օրակարգ ունենք։ Ես նույնպես ուզում եմ նշել դրական տեղաշարժը տնտեսական ցուցանիշներում։ Ու ուզում եմ Ձեզ հետ քննարկել մի շարք հարցեր, այդ թվում Հայաստան ձեր այցելության ժամկետները»։
