Ավստրալիան մեկ քայլով մոտեցել է սեփական ազգային տիեզերական գործակալություն ստեղծելուն։ Հիմա դրա ստեղծմանն աջակցելու են Հարավային Ավստրալիան ու Ավստրալիայի մայրաքաղաքային տարածքը։

Հարավային Ավստրալիայի ու Ավստրալիայի մայրաքաղաքային տարածքի կառավարությունները խոսում են ավստրալական ազգային տիեզերական գործակալություն ստեղծելու անհրաժեշտության մասին։ Նրանց կարծիքով  անընդունելի է, որ նման մեծ երկիրը չունենա իր սեփական տիեզերական ծրագիրը, մինչ նրան կարող է գերազանցել նույնիսկ ամենամոտ հարեւանը՝ Նոր Զելանդիան, հայտնում է news.com.au-ն։

Երկու ավստրալական նահանգներն էլ ստորագրել են մտադրությունների մասին հռչակագիր Քանբերայում։ Հիմա Ավստրալիայի տիեզերական ծրագիրը կազմում է տարեկան 3-4 մլրդ դոլար, դրանում մոտ 11500 մարդ է ներգրավված։

Հարավային Ավստրալիայի վարչապետ Ջեյ Վեզերիլը պատմել է, որ գրագետ մոտեցման ու ազգային տիեզերական գործակալություն ստեղծելու դեպքում ոլորտի ծավալն արդեն առաջիկա մի քանի տարիներին կարող է գնահատվել 18 մլրդ դոլար։ Առայժմ այդ ամեննընդամենը մտադրություններ են։