Ռուսաստանի ԱԳ նախարար Սերգեյ Լավրովը հինգշաբթի հեռախոսազրույց է ունեցել իրանցի գործընկեր Մոհամմադ Ջավադ Զարիֆի հետ: Այս մասին ասվում է ՌԴ ԱԳՆ-ի տարածած հաղորդագրությունում:
Նախարարները կարծիքներ են փոխանակել երկկողմ եւ տարածաշրջանային օրակարգի մի շարք հրատապ հարցերի շուրջ՝ ներառյալ Իրանի միջուկային ծրագրի հարցով Համատեղ համապարփակ գործողությունների ծրագիրն ու սիրիական խնդրի կարգավորումը՝ Աստանայի գործընթացի շրջանակում ձեռք բերված համաձայնությունների համատեքստում: