Շահագործման է հանձնվել Վարդենիսով Հայաստանից Արցախ տանող նոր ճանապարհը: Օգոստոսի 31-ին լրագրողների հետ հանդիպմանն այս մասին հայտարարեց ԱԺ պատգամավոր, ֆինանսավարկային եւ բյուջետային հարցերի խորհրդարանական հանձնաժողովի ղեկավար Գագիկ Մինասյանը:
Նրա խոսքով՝ այս ճանապարհն արդեն լիարժեք գործում է: «Եվ սա մեծ ձեռքբերում է Լեռնային Ղարաբաղի շրջափակումը դադարեցնելու տեսանկյունից: Այս ճանապարհը մի քանի առավելություն ունի: Երեւանից դեպի Արցախ ճանապարհը 15-20 կմ-ով ավելի կարճ է ու հարմար»,- ընդգծեց Գագիկ Մինասյանը:
