Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլին մտադիր է Ուկրաինայի իշխանություններից մշտապես երկրում բնակվող, բայց քաղաքացիություն չունեցող անձի վկայական ստանալ։ Այս մասին «ՌԻԱ Նովոստի»-ին հայտնել է քաղաքական գործչի փաստաբան Մարկիան Գալաբալան։
Փաստաբանի խոսքով՝ վերջնական որոշում դեռ չի կայացվել, բայց «մենք պատրաստվում ենք Կիեւի պետական միգրացիոն ծառայություն դիմել, որպեսզի Ուկրաինայում մշտապես բնակվող առանց քաղաքացիության անձի վկայական ստանանք»։
Ավելի վաղ հայտնի էր դարձել, որ ուժայինները Սաակաշվիլիի փաստաբաններին Ուկրաինա քաղաքական գործչի ապօրինի մուտք գործելու վերաբերյալ արձանագրություն են հանձնել։ Լվովի մարզային դատարանը Սաակաշվիլիի դեմ վարչական գործը սեպտեմբերի 18-ին կքննի։