Բրիտանացի երկու զինծառայողներ Մեծ Բրիտանիայում արգելված նեոնացիստական խմբավորման անդամներ լինելու մեղադրանքով դատարանի առջեւ կկանգնեն, փոխանցում է DW-ն։
Խոսքը 32-ամյա Միքո Վեհվիլայնենի եւ 24-ամյա Մարկ Բարետեի մասին է։ Հետաքննության տվյալներով՝ երկուսն էլ աջակողմյան National Action ազգային սոցիալիստական շարժման անդամներ են, որը մեկ տարի առաջ բրիտանական իշխանություններն արգելված կազմակերպություն են ճանաչել։
Բացի այդ, Վեհվիլայնենին եւ եւս մեկ մեղադրյալի՝ 22-ամյա Ալեքսանդր Դիքինին կասկածում են այն բանում, որ նրանք տիրապետել են փաստաթղթերի, որոնք կարող էին ահաբեկչական նպատակներով օգտագործվել։
Անցյալ շաբաթ հետաքննության շրջանակում եւս հինգ մարդ է կալանավորվել, ներառյալ՝ Մեծ Բրիտանիայի ԶՈՒ չորս զինծառայող։