«Բարգավաճ Հայաստան» կուսակցությունը քննարկում է հարցը, թե ով է համալրելու ԱԺ ԲՀԿ խմբակցությունը՝ Արեւիկ Պետրոսյանի ՍԴ անդամ նշանակվելուց հետո: «Դեռեւս հայտնի չէ, թե ով է լինելու խորհրդարան անցնող պատգամավորը: Մենք այժմ քննարկումների մեջ ենք»,-NEWS.am-ի թղթակցի հետ զրույցում ասաց ԲՀԿ առաջնորդ Գագիկ Ծառուկյանի մամուլի խոսնակ Խաչիկ Գալստյանը: Նա, ի դեպ, չգիտեր, թե ով է ԲՀԿ համամասնական ցուցակի հաջորդ անդամը Արեւիկ Պետրոսյանից հետո, ով երեկ նշանակվել է ՍԴ անդամ:
Նշենք, որ ԲՀԿ համամասնական ցուցակի հաջորդ համարը հայտնի դերասան Գուժ Մանուկյանն է: Մեր տեղեկություններով, սակայն, կուսակցությունում քաղաքական որոշում է կայացվել Գուժ Մանուկյանի փոխարեն խորհրդարան անցկացնել մեկ այլ ԲՀԿ-ականի: