«Բարգավաճ Հայաստան» կուսակցությունը Ազգային Ժողովում նոր պատգամավոր ունի: Սահմանադրական դատարանի անդամ նշանակված Արեւիկ Պետրոսյանին փոխարինելու է Արագած Ախոյանը: Այդ մասին NEWS.am-ին հայտնեց ԲՀԿ նախագահ Գագիկ Ծառուկյանի մամուլի քարտուղար Խաչիկ Գալստյանը:
Արագած Ախոյանը ԲՀԿ քաղխորհրդի անդամ է, «Հայկարշին» ՍՊԸ-ի նախագահն է:
Խաչիկ Գալստյանը հայտնեց, որ պատգամավորի մանդատից հրաժարվելու դիմումներ են գրել համամասնական ընտրացուցակում Ախոյանից առաջ գրանցված թեկնածուները՝ դերասան Գուժ Մանուկյանը, գործարար Հայրապետ Հայրապետյանը, Վայոց ձորի մարզպես Սերգեյ Բագրատյանը: