ՀՀՇ վարչության նախագահ Արամ Մանուկյանը Հայ հեղափոխական դաշնակցությանն ընդդիմություն չի համարում, քանի որ այն «երկակի խաղեր է տալիս»: Այս մասին այսօր՝ դեկտեմբերի 13-ին նա ասաց լրագրողների հետ հանդիպման ժամանակ: Իսկ ահա «Ժառանգություն» կուսակցությունն, ըստ Ա. Մանուկյանի, ի տարբերություն ՀՅԴ-ի` «չունի իշխանակաան լծակներ, ու պորտֆելներ»:
Նա անդրադարձավ նաեւ «Ժառանգություն» կուսակցության վերջերս Խորհրդարան ներկայացրած ԼՂՀ անկախության ճանաչման օրինագծին եւ նշեց, որ դա սխալ քայլ էր:«Կոպիտ սխալ էր, որ ԼՂՀ անկախության ճանաչման օրինագիծը Խորհրդարան մտավ: «Ժառանգությունն» այդ քայլը չպիտի աներ` իմանալով հանդերձ, որ չէր քվերակվելու: Պետք էր հանել այդ հարցը երկու առումով, նախ այն բովանդակային առումով սխալ էր դնել քվերակության, քանի որ դա մարտահրավեր է այս հակամարտությամբ զբաղվող կառույցներին եւ երկրորդ, չարժեր, որ այդքան լուրջ հարցի համար ընդամենը մի քանի հոգի քվեարկեր»,-ամփոփելով նշեց ՀՀՇ վարչության նախագահը:
